日本波係今日主菜，日聯盃玩小組賽充滿變數，筆者寧向日乙埋手，大阪櫻花新季贏到開巷，就好似日本綻放櫻花一樣咁靚。呢支爭標分子主攻踢法極具侵略性，加上一班中前場球員個個當Fit，有力大勝來訪德島漩渦，2.05倍「讓球主勝」抵玩！（開賽時間：周三晚6:00）
德島大換血輸默契
今季開咧三戰取得全勝櫻花，雖然有中場主將香川真司獲徵召入國家隊，今戰無緣披甲，不過睇番上場擊敗櫪木SC統計，幾位中場戰將好似路爾斯馬天尼斯、石神直哉同酒本憲幸都有唔少射門，加埋乾貴士同卡奧菲臘比一對箭頭，德島門將上野秀章肯定有排忙。
更何況擁有日系血統卡奧菲臘比，已經連續兩場主場賽事有「士哥」，賽前佢仲話希望用入球證明身價，為出戰二○一四年世界盃而鋪路，係就係遠，不過睇得出呢位射手雄心壯志。
對家德島季前大換血，球員間默契依然欠奉，加上中場青山隼今仗要坐波監，實力受損情況下，睇怕都難擋櫻花進襲
足球网址大全