睇埋第二組另一場生死戰，西亞勁旅伊朗同沙特阿拉伯出線形勢告急，聽日就要狗咬狗骨。主隊伊朗�☆^戴伊帥位不穩，若然今場有乜閃失，基本上可以執定包袱；而波琴射手夏舒文揚言要帶領伊朗首名出線，球隊為免淪為笑柄，今仗實會搏畀你睇，一於捧主W啦！（now 671周六晚10時30分直播）

夏舒文揚言首名出線

伊朗�☆^戴伊球員時代被譽為國家隊史上其中一位超級射手，但領軍能力只屬一般。目前伊朗成績唔係太好，分組賽四戰過後錄得一勝三和，僅得六分排於第三位，今次遇上西亞勁敵沙特阿拉伯，肯定唔衰得。賽前隊中主力射手夏舒文信心十足，揚言唔單止要帶領球隊出線，仲要上埋小組榜首位，鬥志絕對毋須懷疑。
至於沙特阿拉伯方面，球隊近況就唔多掂，前仗主場淨吞南韓兩蛋後，上場仲作客輸埋畀北韓，目前僅得四分排第四，今場同樣唔贏唔得。不過，兩軍首循環交手時，沙特阿拉伯主場只能同伊朗踢成平手，反映球隊並無特別優勢，今次仲要作客上陣，情況真係唔多樂觀，蘇豪今場會捧伊朗。