今晚英甲獨腳戲一定要住修安聯,事關佢最近表現一流,家陣仲有望爭取升班附加賽資格添,個勢咁好梗係要捧場啦!對住狀態沉到爆哈特普爾,實行要報番首循環大敗之辱,1.75倍主W屬信心之選!(開賽時間:周六凌晨3:45)
由迪臣領軍修安聯,對上十二場波贏九場,依家只係比第六位斯肯索普少六分,要殺入升班附加賽區域仲有機會!球會最近係咁傳出好消息,養傷多時射手費列文已經復操,隨時可披甲上陣;至於守將達維迪仲因為表現出色入選埋法國U21添,就算呢位小朋友今晚無緣上陣,但一眾戰將咁好狀態,贏面依然高企。
首循環哈特普爾主場大炒修安聯三蛋,一班修軍球員依然對呢場敗仗念念不忘,其中主將麥哥馬克賽前仲話要報仇,畀個交代球迷添,戰意咁盛睇怕哈特普爾都係凶多吉少。
哈特普爾殘陣4連敗
連輸四場哈特普爾,最近對住車頓咸呢支包尾大幡都輸得,狀態有幾沉唔需要多講。呢間會財政不嬲麻麻,今季都係靠借人維持實力,可惜一對射手基爾同軒達臣都分別被回收,個陣咁殘邊有本錢同修安聯撼呀?