今晚U21熱身賽當道,呢仔波大家都應該唔算熟悉,但有關爺度冇有怕,一樣畀到好你。德國U21強陣出擊,人腳包括多名德甲正選分子,實力相當有分量。相反荷蘭有料年輕球員都已經入選大國腳,呢次作客冇運行,一於捧「小日耳曼兵團」場,買主W!
德國早已脫離青黃不接時期,目前無論於U19抑或U21中,都有好多耀眼新星助陣,前者於去年更勇奪U19歐洲國家盃冠軍,證明德國青訓極佳,已去到收成階段。睇番今次U21大軍名單,當中史浩克04紐亞、漢堡艾奧高同謝路美保定、不來梅保尼斯治等,都係球會後防正選,經驗實力一流,慕遜加柏中場鮑祖漢就係德國新一代技術型攻擊手,配合禾夫斯堡「士哥拿」迪查加,成班波攻守兼備。相反荷蘭最有卡士燕豪芬後馬些利斯,都已入選大國腳,「橙色小將」去到德國,輸波成數高。
西班牙U21超班未驚過
另一戰西班牙U21作客愛爾蘭U21,前者陣中大把天才球星,好似查維馬天尼斯、甘馬曹等,個個獨當一面,而佢於U21歐國盃外圍賽八戰八勝,根本超晒班,作客愛爾蘭未驚過,要客W。而瑞典U21實力並不突出,於中立場讓唔起芬蘭U21,一於揀和波