今個周末冇意甲，但就有意大利國家隊比賽，佢今晚世界盃外圍賽第8組作客黑山。意軍依家畀同組勁敵愛爾蘭逼得好緊，今仗惟有焗攻，務必全取三分，否則一旦失去榜首之位，出線將會現危機。而黑山國民面前比賽，就算贏唔到，亦要爭取入球，相信踢法唔會龜縮，細鬼認為2.15倍入球大博得過。（有線足球台61周日凌晨3時45分直播）
伊亞昆達博上位
意大利依家只係以較佳得失球差，力壓同分愛爾蘭，暫時排榜首，出線席位並唔穩陣，所以面對同組其餘實力較遜球隊，必須晒三分，否則一旦畀愛爾蘭反超前，將來要追就唔容易。睇番意大利領隊納比今次徵召球員，雖然冇受傷東尼同基拿甸奴，但就有近況大勇柏仙尼及伊亞昆達，鋒線實力並唔差。
老實講，東尼同基拿甸奴近期國家隊賽事，表現麻麻，今次缺陣並唔可惜，反而柏仙尼同伊亞昆達近期意甲，頻頻有佳作，而且佢清楚自己只屬邊緣國腳，更加需要以表現打動納比，保留國家隊位置，有機會上陣比賽，肯定搏命爭取入波。
至於黑山雖然今場有射手胡仙歷停賽，但畢竟係主場比賽，點都要向國民作出交代，事實上，黑山之前三場分組賽表現唔曳，作客意大利一役，僅輸一比二，而且曾製造多次具威脅埋門，只係未能好好把握。
其實黑山唔止胡仙歷一位好波之人，力費倫天拿祖維迪亦值得留意，呢位後生仔勝在體力充沛，又有速度，隨時可以恰死意大利條老人防線，細鬼估計雙方今場不乏入波機會，入球大值博。
Tips
黑山大
足球网址大全