馬會首次為世界盃外圍賽非洲區開盤,可惜淨係得「主客和」玩,冇「讓球」、「讓球主客和」,真係相當乏味。可能大家對突尼西亞、喀麥隆等世界盃常客較有好感,但近年好多非洲小國足球水準有所提升,盲目捧名牌,絕非上策。樂比仔今日推介盧旺達,C組主場對阿爾及利亞贏得。(周六晚9時30分開賽)
非洲一線球隊作客成績非佳,睇番上階段第二圈外圍賽,非洲「龍頭大哥」科特迪瓦三場作客都贏唔到,另一支強隊加納亦輸兩場,可見強隊作客讓波一都唔穩陣,畢竟非洲地大物博,基建設施又簡陋,作客球隊適應上相當困難。
樂比仔揀盧旺達,相信好多人會走漏眼,但盧旺達近年足球水準有好大進步,由十年前一百七十八位,升至依家八十五位,世界排名升接近一百位,自從克羅地亞籍領隊杜卡克去年執後,表現更得到各界讚賞。
阿爾及利亞青黃不接
上階段第二圈外圍賽,盧旺達主場兩戰全勝,其中主場三比一擊敗摩洛哥,足證盧旺達主場可擊敗任何球隊,阿爾及利亞近年青黃不接,今仗長途跋涉到極唔發達盧旺達,主W有2.45倍抵玩。