今周輪到世界盃外圍賽擔正,現時球圈發展,唔少球會實力比國家隊更強,不過,由於涉及國家榮辱關係,一樣係咁精彩。 論到*價值,今日兩支主場球隊值得推介,分別係伊朗同由奎雷斯執葡萄牙,兩軍現時都外圍賽處於不利位置,如果主場仲唔贏話,對爭取出線好有影響,所以兩隊戰意一定旺盛,伊朗對沙特阿拉伯及葡萄牙對瑞典,呢兩場主勝係不二之選。
以色列希臘五五波
另外,黑山對意大利以及以色列對希臘,呢兩場和味濃,黑山憑主場之利,有力偷襲得手搶分,至於以色列及希臘屬於五五波之爭,和波好合理。 講完推介,講NBA,湖人雖然位於西岸榜首,但球迷們要留意,球隊今季爭總冠軍有暗湧。最大隱憂係拜林受傷,由於球隊放走幾個具板能力球員,令到高比拜仁同加素負擔增加不少。 其實兩名極具卡士球員,舊年夏天都打奧運,而且係由頭打到尾,即是話兩年佢冇真正休息,能否安康冇恙,絕對係一個考驗,高比仔能否冇奧尼爾情況下再奪總冠軍,要睇積遜練諗計克服呢個危機。
Tips
葡萄牙勝、伊朗勝 |