人成日話一心二用唔好,其實都未必,睇邊個啦!你睇希丁克呢位神奇領隊,做俄羅斯國家隊主帥,亦同時車路士,咪一樣兼顧得到。希丁克今晚就會帶俄羅斯踢世界盃外圍賽歐洲區第4組賽事,主場迎戰阿塞拜疆,俄軍贏面梗係大啦,由於賠率過熱冇肉食,Rita寧願揀入球細好過。(有線體育台62周六晚10時直播)
希丁克分身有術
係人都知希丁克因為同阿布拉莫域Friend,先幫佢車路士,頂住半年咁多。仲記得佢正式接手後首場聯賽,係作客當時氣勢幾盛阿士東維拉。而不論對賽數據對車仔有幾不利,仍然有唔少「車」飛支持,主要原因就係「我信希丁克!」執車路士叫做交到差,希丁克依家又要返去為俄羅斯再打拚喇!今場只係面對弱旅阿塞拜疆,梗係Sure win全取三分啦! 俄羅斯呢股新勢力○八年歐洲國家盃急速冒起,到依家踢世界盃外圍賽,表現都算對辦,以阿塞拜疆條防線實力,的確難以抵禦佢來犯。不過俄羅斯艾沙維及柏夫里約真高等進攻主力,解甲後仲要應付球會賽事,所以又未必會去盡大炒對手,而且今場入球大細中位數調高至3.5球,入球細至係上算!
俄羅斯Vs阿塞拜疆 入球細 |