新季F1將於澳洲展開首站比賽,比起往時,今季賽前認真多新聞。先有本田話唔玩,跟住外國媒體日日講KERS。最搞笑係FIA話要更改車手冠軍計分法,點知車隊老闆詐型,FIA態度軟化話下季先算。而開車前有幾支車隊改大擴散器,大車隊話唔合規格要上訴,總之F1新聞就多籮籮,淨係睇佢口水戰都夠過癮。
F1冠軍睇好威廉士
至於今季邊支車隊可以贏得冠軍,巨高就覺得威廉士車隊有冷味。兩位後生車手中島一貴同埋洛辛保勝在夠勇夠搏,加上試車表現又唔錯,話唔定可嚇你一跳。夠勇唔單止威廉士,英甲彼德堡一樣咁勇,周六晚彼德堡主場對李斯特城,相信近五場全勝彼德堡可以贏多場,上盤可以捧場。