南美洲區外圍賽聽朝除有巴西登場，查實仲有場被稱為「太平洋打」賽事上演，由兩支宿敵秘魯同智利火併。秘魯係今次賽事包尾大幡，實力有限，最慘係包括比沙路在內三大射手都同時缺陣，冇火力點贏波？平手盤梗係要智利穩陣啦！（有線61及廣東體育周一早上7:10直播）
4連敗兼3射手缺陣
秘魯踢十場只得七分，出線機會的確唔大，雖然話今仗係宿敵對決，佢唔會唔搏命，但領隊迪蘇拿繼續將之前違反紀律前鋒比沙路同法芬打入冷宮，冇徵召入伍，再加埋連狀態唔錯漢堡射手荷西古里路又要坐波監，少呢三個射手，其實同等死冇乜分別。唔好話我唔提你，連埋熱身賽計，秘魯近期係四連敗，一球都未入過！
智利方面，世界排名三十遠勝七十七位秘魯，已經證明雙方實力有距離。更重要係，阿根廷籍領隊比爾沙今次大軍徵召名單入面，單係前鋒就有六人之多，擺明係想搶攻博三分。仲有，都唔使為佢作客擔心，事關之前五場外圍賽作客波，佢總共就拎到兩勝一和兩負，唔算差，今次對手唔強，只要前鋒生性，三分可以袋袋平安
足球网址大全