今日賽事唔多,聯賽更只得日乙同美職,關爺今次心水之選,正係美職獨腳戲,FC達拉斯主場對美國芝華士。兩隊首輪命運各異,達拉斯領先之下反而輸波收場,而芝華士則反敗為勝,講精神面貌及鬥志,芝華士明顯勝一籌,而且仲有得受讓,關爺梗係捧芝華士「讓球客勝」。(周一凌晨3時開賽)
美國芝華士近年常規賽都有上佳演出,上季即使開局欠佳,最後亦可以成為西岸第二名,表現充滿韌力。芝華士上仗對科羅拉多急流,再發揮出驚人後勁,憑永川保羅四分鐘內梅開二度,反敗為勝。踢波最緊要講鬥志,有時勝負之差,就係在於呢份堅韌精神,芝華士正具備呢種贏波要素,就算未能全取三分,亦不易被擊敗,受讓之下,更加抵玩。
達拉斯換龍更牙煙
至於FC達拉斯上仗先開紀錄,卻連失三球輸波,而且損兵折將,門將沙拉受傷,需要抖四至六星期。呢位阿根廷守門員缺陣,無論派「人球」雷布斯或十八歲小將祖舒保林把關,都係靠唔住,即使鋒線上堅尼谷巴狀態不俗,恐怕最後都係得不償失。
市原柏雷素爾歎慣「細」界
另外,今日有多場日本波,關爺推介兩場日聯盃,A組新潟天鵝主場對磐田山葉,山葉狀態衰到貼地,開咧後聯賽加盃賽,四戰都未贏過,作客更難有作為,天鵝主勝有1.85倍值博。而B組千葉市原主場對柏雷素爾,兩隊近況都麻麻,唔計熱身賽雙方近七次交手全部開細,呢關一於要入球細